ປັດຈຸບັນວຽກງານສື່ເອເລັກໂຕຣນິກຂອງລາວ ນັບມື້ນັບຂະຫຍາຍຕົວທາງດ້ານປະລິມານແລະ ຄຸນນະພາບ, ເຊິ່ງໄດ້ສະແດງອອກ ວິທະຍຸກະຈາຍສຽງ ມີ63 ສະຖານີ ເພີ່ມຂຶ້ນ 20ສະຖານີ ທຽບໃສ່ປີ 2011, ສູນກາງມີ 11 ສະຖານີ, ແຂວງ 19 ສະຖານີ ແລະ ເມືອງ 33 ສະຖານີ,ການກະ ຈາຍສຽງພາກພື້ນດິນທັງລະບົບເອເອັມ ແລະ ເອັບເອມ (AM, FM) ກວມ 90% ຂອງພື້ນທີ່ທົ່ວປະເທດ, ກະຈາຍຜ່ານດາວທຽມ ແລະ ອິນເຕີເນັດ ກວມ 100% ຂອງພື້ນທີ່ືທົ່ວປະເທດ ແລະ ຫລາຍປະເທດໃນທົ່ວໂລກ. ເຊັ່ນດຽວກັນ ໂທລະພາບແຫ່ງຊາດ ມີ 37 ສະຖານີເພີ່ມຂຶ້ນ 5 ສະຖານີ ທຽບໃສ່ ປີ 2011, ສູນກາງ 9 ສະຖານີ ໃນນັ້ນ ມີສະຖານີເອກະຊົນ3ສະຖານີ, ແຂວງ 17 ສະຖານີ, ເມືອງ 11 ສະຖານີ ສາມາດແຜ່ພາບທາງພາກພື້ນດິນ ກວມ 80%ຂອງພື້ນທີ່ທົ່ວປະເທດ, ກະຈາຍຜ່ານດາວທຽມ ແລະ ອິນເຕີເນັດ100% ຂອງພື້ນທີ່ທົ່ວປະເທດແລະ ຫລາຍປະເທດໃນໂລກ.
ແຫລ່ງຂ່າວຈາກກະຊວງ (ຖວທ) ເປີດເຜີຍວ່າ: ປັດຈຸບັນ ວິທະຍຸກະຈາຍສຽງແຫ່ງຊາດ ໄດ້ກະຈາຍເປັນພາສາຫວຽດນາມ, ອັງກິດ, ຝຣັ່ງ, ກຳປູເຈຍ, ໄທ, ມົ້ງ ແລະພາສາກຶມມຸ. ມີສະຖານີຖ່າຍທອດວິທະຍຸສາກົນ ແຫ່ງປະເທດຈີນ, ຝຣັ່ງ ແລະ ອົດສະຕຣາລີ, ພ້ອມນີ້ ໂທລະພາບ ຍັງມີລາຍການຂ່າວເປັນພາສາອັງກິດ, ຝຣັ່ງ, ມົ້ງ,ກຶມມຸ ແລະ ພາສາຫວຽດນາມ ແລະ ຍັງມີສະຖານີຖ່າຍທອດໂທລະພາບຫວຽດນາມ VTV4, ສະຖານີຖ່າຍທອດ ໂທລະພາບ ສປ ຈີນ CCTV4, CCTV-NEW,ນອກນີ້ ໂທລະພາບແຫ່ງຊາດລາວ ຍັງເຮັດໜ້າທີ່ຖ່າຍທອດສົດ ແລະ ບັນທຶກເຫດການສຳຄັນຂອງພັກ, ຂອງຊາດ ແລະ ສາກົນ ທີ່ຈັດຂຶ້ນ ຢູ່ ສປປ ລາວ, ມີການບໍລິການຂອງໂທລະພາບ ລະບົບໃຊ້ສາຍ ແລະ ລະບົບດີຈີຕອນ ສາມາດຊົມລາຍການໂທລະພາບຂອງລາວ ແລະ ຕ່າງປະເທດ ໄດ້ເຖິງ 40 ກວ່າຊ່ອງ, ແລະ ມີບໍລິສັດດາວທຽມຕ່າງປະເທດ ໃນ ສປປ ລາວກໍໄດ້ເອົາທຸກຊ່ອງໂທລະພາບລາວ ອອກອາກາດ ແລະ ຈັດລຽງລາຍການໂທລະພາບແຕ່ລະສະຖານີຂອງລາວ ອອກຕາມລຳດັບເຊັ່ນດຽວກັນສື່ມວນຊົນລາວ ເກືອບທັງໝົດໄດ້ເຂົ້າສູ່ສື່ໃໝ່ສ້າງ “ສ້າງເວບໄຊ Website” ຂອງຕົນຂຶ້ນ ແລະ ນຳໃຊ້ທຸກສ່ອງທາງທີ່ມີຢູ່ໃນລະບົບເຄືອຄ່າຍອິນເຕີເນັດ ເຊິ່ງໄດ້ຊ່ວຍໃຫ້ການສົ່ງຂໍ້ມູນຂ່າວສານ ລະຫວ່າງ ພາຍໃນ ແລະ ຕ່າງປະເທດວ່ອງໄວ,ທັນການ ແລະ ກວ້າງຂວາງກວ່າເກົ່າ.
No comments:
Post a Comment