ຫຼາຍໆທ່ານທີ່ໄດ້ອັບເກຣດຄອມພິວເຕີຂອງທ່ານຈາກ Windows 7, Windows 8, Windows 8.1 ໄປເປັນ Windows 10 ຫຼື ຊື້ຄອມຮຸ່ນໃໝ່ທີ່ມາພ້ອມ Windows 10 ເລີຍ ໃນການເຮັດວຽກງານບາງເທື່ອອາດຕ້ອງລໍຖ້າໂຫລດໃນການເປີດໂປຣແກຣມດົນ ບົດຄວາມນີ້ມີວິທີ 4 ຂໍ້ທີ່ຄວນປະຕິບັດ ແລະ ຊ່ວຍໃຫ້ຄອມພິວເຕີຂອງທ່ານເຮັດວຽກໄດ້ໄວຂຶ້ນ ດັ່ງນີ້:
1. ລຶບໂປຣແກຣມ ຫລື ລຶບແອັບຯທີ່ບໍ່ໃຊ້ງານອອກ
ເພາະໂປຣແກຣມຫລືແອັບຯທີ່ບໍ່ຄ່ອຍໃຊ້ງານຍັງເຮັດວຽກຢູ່ເບື້ອງຫຼັງຢູ່ຕະຫລອດເວລາ ການຖອນແອັບຯທີ່ເຮົາບໍ່ຄ່ອຍໄດ້ໃຊ້ນີ້ຈະຊ່ວຍໃຫ້ຫຼຸດພາລະໃນການໂຫລດໂປຣແກຣມອື່ນໆ ແລະ ເພີ່ມພື້ນທີ່ວ່າງໃນຄອມພິວເຕີຂອງທ່ານຫລາຍຂຶ້ນອີກດ້ວຍ ໂດຍການຖອນໂປຣແກຣມ ສາມາດເຂົ້າໄປໂດຍກົດປຸ່ມ windows + q ແລ້ວພິມວ່າ uninstall ຫລື change or a remove program ແລ້ວເລືອກຖອນໂປຣແກຣມທີ່ບໍ່ຄ່ອຍໄດ້ໃຊ້ອອກຈາກເຄື່ອງ.
2. ສັ່ງຢຸດການເຮັດວຽກຂອງໂປຣແກຣມຫລືແອັບຯບາງໂຕຜ່ານທາງ Task Manager
ໂດຍກົດປຸ່ມ ctrl + shift + esc ແລ້ວເບິ່ງວ່າ ພົບເຫັນໂປຣແກຣມໃດເຮັດວຽກຫຼາຍທັ້ງທີ່ເຮົາບໍ່ໄດ້ໃຊ້ກໍເລືອກໂປຣແກຣມນັ້ນ ແລ້ວຄລິກ end task ເພື່ອປິດໂປຣແກຣມນັ້ນ.
3. ປິດໂປຣແກຣມທີ່ເຮັດວຽກເບື້ອງຫຼັງຕະຫຼອດເວລາເທິງ Windows 10
ໂດຍເຂົ້າໄປທີ່ໜ້າ settings ຂອງ Windows 10 (ຈາກ start menu ແລ້ວເລືອກ settings) ຄລິກທີ່ Privacy ແລ້ວເລືອກ Background apps ຈະເຫັນລາຍຊື່ແອັບຯທີ່ເປີດເຮັດວຽກເບື້ອງຫຼັງເຕັມໄປຫມົດ ໃຫ້ປິດສະເພາະແອັບຯທີ່ບໍ່ຈຳເປັນຫລືປິດບາງສ່ວນທີ່ບໍ່ໃຊ້ໃນຊ່ວງນີ້ກ່ອນ ກໍຈະເຮັດໃຫ້ຄອມພິວເຕີເຮັດວຽກໄດ້ໄວຂຶ້ນ ເພາະເຮົາໄດ້ປິດການເຮັດວຽກງານເບື້ອງຫຼັງບາງສ່ວນຂອງແອັບຯເທິງ Windows 10 ໄວ້.
4. ໃຊ້ disk cleanup ເພື່ອລຶບໄຟລ໌ຂີ້ເຫຍື້ອອອກຈາກເຄື່ອງ
ທຸກເທື່ອທີ່ໃຊ້ແອັບຯ, ໂປຣແກຣມ ຫລືການເຮັດວຽກງານຕ່າງໆຂອງ Windows ຈະສ້າງໄຟລ໌ຊົ່ວຄາວເຮັດວຽກເທິງເຄື່ອງນຳອີກ ຫາກວ່າທ່ານໃຊ້ງານດົນໆກໍຈະມີໄຟລ໌ຂີ້ເຫຍື້ອຄ້າງເທິງ Windows ຫລາຍໆໄຟລ໌ໄດ້ ດັ່ງນັ້ນທ່ານສາມາດລຶບໄຟລ໌ຂີ້ເຫຍື້ອໄດ້ໂດຍ ຄລິກຂວາທີ່ drive ໃດນຶ່ງເທິງ file explorer (ໂດຍສະເພາະ drive C ) ເລືອກ Properties >> ແລ້ວເລືອກທີ່ແທັບ general ແລ້ວເລືອກທີ່ disk cleanup >> ຕິກຖືກທີ່ temporary internet files , system memory error dump files ແລະ ລາຍການອື່ນໆທີ່ເຈົ້າລຶບໄດ້ ແລ້ວເລືອກ ok ເພື່ອດຳເນີນການລຶບ.
ທີ່ມາຂອງຂໍ້ມູນ: it24hrs
- See more at: http://ecorneronline.com/4-tips-to-speedup-windows-10/#sthash.axv1utit.dpuf
No comments:
Post a Comment