ນະວັດຕະກຳລະບົບມືສຳຜັດຂັ້ນໃໝ່ ທີ່ໃຊ້ງານຮ່ວມກັບເຕັກໂນໂລຢີ VR ໄດ້ຢ່າງສົມຈິງ
ຫຼ້າສຸດທາງບໍລິສັດ Leap Motion ທີ່ມີຊື່ສຽງທາງດ້ານອຸປະກອນເຊັນເຊີກວດຈັບການເຄື່ອນໄຫວຕ່າງໆ ຂອງຮ່າງກາຍຄົນ ໄດ້ມີການພັດທະນາລະບົບ Hand Tracking ຮູບແບບໃໝ່ອອກມາແລ້ວ ໃນຊື່ Leap Motion Orion ໂດຍທີ່ມັນສາມາດຕິດຕາມການເຄື່ອນໄຫວຂອງມືເຮົາໄດ້ຢ່າງວ່ອງໄວ ແລະ ແມ່ນຢຳ ໃນໄລຍະທີ່ໄກຫລາຍຂຶ້ນກວ່າເກົ່າ ພ້ອມທັງຍັງສາມາດນຳໄປໃຊ້ງານຮ່ວມກັບ ເຕັກໂນໂລຢີ VR ໄດ້ອີກດ້ວຍ.
ນະວັດຕະກຳຂອງ Leap Motion Orion ໃນເວີຊັນທົດລອງນີ້ ໄດ້ມີການສ້າງຊອບແວທີ່ມີຊື່ວ່າ Blocks ຂຶ້ນມາ ສຳລັບໃຊ້ງານເທິງອຸປະກອນ VR ຢ່າງ Oculus Rift DK2 ເພື່ອສາຍພາບວັດຖຸຈຳລອງທີ່ມີຮູບຊົງເປັນກັບສີ່ຫຼ່ຽມ ໃຫ້ເຮັດວຽກຮ່ວມກັບ Leap Motion Controller (ອຸປະກອນຕິດຕາມຈັບການເຄື່ອນໄຫວຂອງນິ້ວມື) ເຮັດໃຫ້ສາມາດສຳຜັດວັດຖຸຈຳລອງທີ່ມີຮູບຊົງເປັນກັບສີ່ຫຼ່ຽມຜ່ານທາງຮູບພາບທີ່ເຫັນຜ່ານທາງອຸປະກອນ VR ໄດ້ຢ່າງອິດສະຫລະ ບໍ່ວ່າຈະເປັນການສ້າງກັບຫຍໍ້, ຂະຫຍາຍ, ຈັບວາງ, ໂຍນ ຫລືຮຽງສະລັບໄປມາ ກໍສາມາດເຮັດໄດ້ຢ່າງສົມຈິງ ແລະ ຄ່ອງແຄ້ວຫລາຍຂຶ້ນອີກດ້ວຍ.
ເມື່ອໄດ້ເຫັນພັດທະນາການຂອງເຕັກໂນໂລຢີໃນຮູບແບບນີ້ແລ້ວ ເຮັດໃຫ້ຮູ້ສຶກຄ້າຍຄືກັບວ່າມັນຈະຄ່ອຍໆເຂົ້າໄປໃກ້ກັບເຕັກໂນໂລຢີທີ່ເບິ່ງເກີນຈິງຂອງໃນໜັງຫຼາຍໆເລື່ອງເຂົ້າໄປທຸກມື້ ເຊິ່ງມັນຈະຄັກຊ່ຳໃດ ລອງມາເບິ່ງວີດີໂອການໃຊ້ງານຂອງນະວັດກຳສຸດລ້ຳ Leap Motion Orion ນີ້ກັນເລີຍດີກວ່າ.
ທີ່ມາຂອງຂໍ້ມູນ: thaiware, leapmotion
No comments:
Post a Comment